ORDIZIA ESKUBALOIA
Ordizia Siglo XX taldeak galdu egin zuen joan den larunbatean, Majorin, Pulporen aurka jokatutako partidan. Azkenean, kostako taldeak 34-35 irabazi zuen. Partida arbitroen izendapenak baldintzatu zuen, eta partida zuzendu zuen epailea, aldiberean, Pulpoko emakumezko kadete talde bateko entrenatzailea da. Arbitroen Batzordeari zuzendutako idazkiak ez zuen ezer lortu eta honek izendapenari eustea erabakizuen, eta horren ondorioz jokalari ordiziarrak oso haserre irten ziren kantxar aeta jokoa garatzean eragina izan zuen.
Gustatuko litzaiguke esatea, epaileak, hala ere, ez zuela jokoan eraginik izan, bere kalitate eskasak eta partzialtasunak, une batzuetan, partidaren bilakaera markatu zutela. Hala eta guztiz ere, bi taldeetako jokalariak ahalik eta ondoen jokatzen saiatu ziren, eta ikusleei kirol ikuskizun bikaina eskaini zieten.
Ez zen ondo hasi talde urdina, 15. minutuan 4 goleko desabantaila baitzuen, atsedenaldira 5 izan zirelarik, 17-22. Taldeak erreakzionatu egin zuen eta bigarren zatian beste intentsitate batekin sartu zen, 6 minututan desabantaila gol batean utziz (22-23) eta 45. minutuan 27nako berdinketa lortuz. Bigarren denbora guztian zehar bi taldeek argi utzi zuten ez zutela amore emango garaipena lortzeko borrokan.
Aurrera egin behar da, eta fase honetako hurrengo partidak honelakoak izan ez daitezen itxaron. Taldeak erasoko maila handia erakutsi zuen eta zumaitarren ahalmenari aurre egin ahal izan zion, lehen faseko golegilerik onena eta txapelketak odefentsarik onenetako batekin.
Emakumezko seniorrak ezer gutxi egin ahal izan zuen Lezora joan zenean, non Munttarperen aurka 30-15 galdu zuen. Atsedenaldian 19-10 galdu zuen eta bigarrenean jokoaren tonika oso antzekoa izan zen. Porrotaren gakoa talde urdinaren jokoan egon zen, 5 penalti huts egin ziren eta 9 kontraeraso argitan baloiaren jabetza galdu zen jaurtiketa prozesua hasi aurretik.
Hala eta guztiz ere, taldea taularen erdialdean mantentzen da eta espero dezagun bere jokoa berreskuratzea, Lezon ikusitakoa istripu bat izatea eta azken asteetan izan ditugun sentsazioak berreskuratzea. Jokoan estutzen jarraitu behar da, eta taulan posizioa egonkortzea lortu.
Kadetemailan, gizonezkoen taldeak aise hartu zuen mendean Leizaran, 26-13. Talde urdinaren lehen denbora kaskarra izan zen, atsedenaldira 2 goleko abantailarekin joan zen, 10-8. Bigarren zatian defentsako prestazioak hobetu zituen eta erraz gailendu zen. Garaipen honekin taldea taulako gune nagusitan kokatu da.
Bigarren urteko emakumezkoen kadeteak ez zuen ondo jokatu eta bere partida galdu zuen Majorin, 23-25 Pulporen aurka. Lehen urteko taldeak ia ezinezko konpromisoa zuen eta horrela egiaztatu zen Majori mailako liderraren kontra, kantxan. Jauja14-23 nagusitu zen.
Haur mailan emaitza onak lortu ziren, gizonezkoen taldea 20nako berdinketarekin itzuli zen Tolosatik. Emakumezkoen bigarren urteko derbian, berriz, San Benitok irabazi zuen Enirioren aurka (14-16), partida polit batean. Bestalde, lehen urteko emakumezkoena aise gailendu zitzaion Leitzarani, 26-8.
.jpg)
