ORDIZIA ESKUBALOIA
Ordizia Siglo XX taldearen garaipena Majorin Egiaren aurka jokatutako partidan, azken emaitza 28-23koa izan zen. Ordiziarrek nahiko partida erosoa izan zuten, 10. minutuan 3 goleko aldea baitzuten, atsedenaldian 5ekoa, 12-7koa zena. Bigarren denboraldiko lehen minutuetan talde ordiziarrak markagailua luzatu zuen 8 goleko aldea lortu arte, 19-11 40. minutuan. Hemen Donostiako jokalariak esnatu ziren eta 10 minututan desabantaila 4 golera jaistea lortu zuten, baina ordiziarrek ez zuten lo hartu eta 5 goleko partida irabazi zuten.
Ordiziarren lan ona defentsan, partidako lehen 40 minutuetan 11 gol jaso zituen, baina ez zen intentsitatea mantendu eta 20tan 12 gol jaso ziren. Taldeak lehen minutu horietan eman zuen maila partida guztietan eman behar duela da, kontrako taldea gelditzea lortzen badu garaipena lortzea errazagoa da. Erasoan ez zen gaizki ibili, baina asmatzearen ehunekoa ez zen oso ona izan, jaurtiketen ia erdiak huts egin ziren, eta apur bat gehiago asmatuz gero, partidak lasaiago joan daitezke.
Garaipen honekin taldea sailkapeneko bigarren postuan kokatu da eta 5 garaipeneko bolada onari eutsi dio. Ordiziarrak joko maila ona ematen ari dira, espero dezagun hurrengo jardunaldietan mantentzea eta, horrela, taularen buruan mantentzea eta igoera faserako sailkapena lortzeko itxaropenarekin.
Emakumezkoen seniorrak porrota jaso zuen Majorin Munttarperen aurka jokatutako partidan, 33-38. Ordiziarrek ez zuten ondo jokatu, hasieratik atoian ibili ziren markagailuan, atsedenaldira 5 goleko desabantailarekin iritsi zirelarik, 17-22. Partidaren amaierara arte mantendu zela.
Norgehiagoka honetan gol gehiegi sartu ziren, erasoko lanak defentsak gainditu zituen. Ordiziaren kasuan, zentzu negatiboan, taldearen defentsara bueltatzea azpimarratu behar dugu, lezotarrek gol ugari lortu zituzten erasora heltzean ordiziarren defentsa osatu gabe zegoelako. Taldea taularen erdialdean mantentzen da, baina garaipen gehiago lortzeko eta gorago egoteko gaitasuna du.
Jubenil mailan garaipen bikoitza lortu zuen talde ordiziarrek, emakumezkoen taldeak partida zail batean Egiari irabazi zion, Donostian, 23-25. Garaipen honekin jokalari ordiziarrak bigarren postuan kokatu dira eta Gipuzkoako txapelketako azken faserako sailkapena ia lortu dute. Poz handia eman zigun gizonezkoen taldeak, Arrasateri argi eta garbi gailendu baitzitzaion, 23-32. Fase berri honetako bigarren partida honetan ordiziarrek euren progresioa eta emandako aurrerapausoa berretsi dute.
Kadete mailan bigarren urteko emakumezkoen porrota partida txar batean, 23-30 galdu baitzuen Bergararen aurka, Ligako azken fasera pasea zailduz. Eniriok, lehen urteko emakumezkoak, erraz hartu zuen mendean Bidasoa, 37-7 izan zen azken emaitza. Gizonezkoen kadete taldeak bere bigarren garaipena lortu zuen Hondarribian, non 32-34 nagusitu zen partida orekatu batean.
Infantil mailan ez zen zorterik izan, lehen urteko taldea Legazpira joaten zen, eta han Lasallerekin jokatzen zuen.14-10 galdu zuen, beti aurpegia eman zuten partidan. Bigarren urteko taldea Pulpo bisita jaso zuen, mailako lider, eta aurreikusi bezala 7-37 galdu zuen
.jpg)
