ORDIZIA ESKUBALOIA
Ordizia siglo XXk irabazi zuen rdiziak Ormaiztegiren aurka, 32-25eko emaitzarekin. Ez zen partida erraza izan, ezta markagailua ikusita pentsa daitekeen bezain erosoa ere. Bi taldeek boteretik boterera jokatu zuten, eta talde urdinak definizioan asmatzeak markatu zuen partida. Atsedenaldira talde urdinaren aldeko 16-12ko emaitzarekin iritsi zen, azken abantaila 7 golekoa izan zelarik.
Ordiziarren erasoko maila ona, 32 gol lortu zituzten, lana ona eginez. Baina gakoa defentsako lanean egon zen, kontrarioari 25 gol uzteak garaipena lortzeko aukerak areagotzea eragiten du.
Garaipen honekin, eta beste emaitza batzuekin batera, ordiziarrak sailkapeneko lehen postura igo dira, bigarrenarekiko puntu bateko aldearekin. Baina hori anekdotikoa da, ez da lo hartu behar, eta orain arte bezala borrokan jarraitu behar da, apirilean dugun posizioa da kontua, ez oraingoa.
Emakumezko seniorraren porrota Errenterian, non 22-20 galdu zuen Ereintzaren aurka. Atsedenaldira 13-10eko markagailuarekin iritsi zen talde urdina. Taldeak ez zion aurpegia galdu partidari, baina ez zuen etxeko taldea menderatzea lortu eta porrot ohoretsu batekin konformatu behar izan zuen.
Taldeak defentsan maila ona izaten jarraitzen du, eta horren erakusgarri da aurkako taldeak 22 gol baino gehiago ez egitea. Baina hau ez da nahikoa izaten ari garaipena lortzeko, ez dugu punteria ona lortzen eta oso kopuru eskasetan geratzen gara, 20 gol lortuz oso zaila da garaipena lortzea.
Jubenil mailan gizonezkoen taldeak berriro irabazi zuen, oraingo honetan Elgoibarren, 16-26 emaitzarekin. Atsedenaldian gol bategatik galtzen zuen, 11-10, baina bigarren zatian defentsa bikainarekin ordiziarrak nagusitu ziren, 20 minututan 3 gol baino ez zituzten jaso. Emakumezkoen taldeak Gipuzkoako Txapelketako azken fasean parte hartuko zuela baieztatu zuen, Lasalle Legazpiarrari 21-20 gailenduta, partida orekatu baten.
Kadete mailan azpimarratzekoa da bigarren urteko emakumezkoen taldearen garaipena Usurbilen, partida orekatu eta oso lehiatuan 29-31 nagusitu baitzen. Horrela, Gipuzkoako Txapelketako azken fasean bere presentzia berresten zuen. Oiangu, lehen urteko emakumezkoa, 18-10 gailendu zitzaion Leizarani. Eniriok, berriz, lehen urtekoa ere, 24-14 galdu zuen Eibarren, Mecalderen aurka. Gizonezkoen taldeak ezin izan zion aurre egin Elgoibarri, eta 26-46 galdu zuen Majorin.
Infantil mailan ordiziar talde bakarra zegoen lehian. Oiangu, bigarren urteko emakumezkoa, Bergarara joan zen. Lehen zatian, joko ona eginez, Ordiziako jokalariak 8-7koarekin iritsi ziren atsedenaldira, baina bigarren zatian taldeak behera egin zuen eta 21-11 galdu zuen.
.jpg)
