ORDIZIA ESKUBALOIA
Ordiziak Siglo XX-k irabazi egin zuen Saiekoren aurka, 29-26. Partida oso parametro berdinetatik igaro zen, atsedenaldira 14nako berdinketarekin iritsiz. Gauzak aldatu egin ziren bigarren zatiko lehen minutuetan, 40. minuturako 5 goleko aldea lortuz, markagailuak 21-16koa adierazten zuen etxeko taldean alde. Baina talde bisitariak erreakzionatu egin zuen eta 2 golera jarri zen 50. minutuan. Azken 10 minutuak gol trukaketa bat izan ziren eta norgehiagoka etxeko taldearen 3 goleko abantailarekin bukatu zen.
Ordiziarren garaipen garrantzitsua, talde donostiarra 4 puntura zegoen baina 2 partida gutxiagorekin, horrela ordiziarrek lehen postua sendotu dute eta bakarrik jarraitzen dute. Ez genuen partida bikaina ikusi, baina bai partida borrokatua, parekotasun handikoa eta aurkarietako inork partida galdu nahi ez zuena.
Urdiñen taldearen defentsako prestazioak hobetu dira, baina oraindik gol asko jasotzen ditugu eta gol gehien jasotzen ditugun taldeetako bat gara, 27 gol jaso ditugu batez beste eta hiru partidatan bakarrik jaso dugu gol gutxiago. Arazo hau erasoko prestazio onekin konpontzen dugu, batez beste 30 gol sartzen ditugu partidako. Defentsan hobetzea eta erasoan mailari eustea lortu behar dugu, horrela partidetan gehiegi ez sufritzeko.
Emakumezkoen seniorrak amore eman behar izan zuen Urnietaren aurka, 18-24. Gaizki hasi zuen partida talde ordiziarrak, eta berehala 3 goleko desabantailarekin egin zuen topo, atsedenaldirako 6 golekoa zen, 8-14. Bigarren zatian erreakzionatu zuen taldeak, eta 50. minutuan 4 goleko desabantaila izan zuen, gol batera jartzeko aukera izan zuten uneak izanik. Norgehiagokaren amaieran talde bisitariak erasoan hobera egin eta 6 goleko abantaila lortu zuen.
Ordiziarren partida ona defentsan, bigarren zatiko 10 minututan kontrako taldeak golik ez sartzea lortu baitzuten. Arazoa erasoko lanean aurkitzen dugu, prezipitazioek jokoan eta antsietateak ez asmatzea eta partidak alde batera uztea eragiten dute.
Jubenil mailan gizonezkoen taldearen garaipenarekin egin dugu topo, Arrasateri irabazi zion 25-8 emaitzarekin Majorin. Emakumezkoen taldeak ezin izan zuen eta Usurbilen galdu egin zuen, 38-18 emaitzarekin. Taldeak erreakzionatu egin behar du, lehiaketaren bigarren fase honetan ematen ari diren prestazioak hobetzeko kalitatea du.
Kadete mailan gizonezkoen taldeak, gertu egon bazen ere, ezin izan zuen Bergara mendean hartu, Majorin garaipena lortu baitzuen 27-29ko markagailuarekin. Bigarren urteko emakumezkoena Majorin desagertu egin zen eta partida kaskar batean Ereintzak mendean hartu zuen. Ordizia Eniriok, lehen urteko emakumezkoak, 15-21 galdu zuen Leizaranen aurka, taldeak bere ibilbide irregularran jarraitzan du, lehenengo itzulian partida hau 7 gol abantailarekin irabazi zuen Andoainen. Poztasuna Oiangu emakumezkoen lehen urteko taldearen eskutik etorri zen, Irunen Bidasoari argi eta garbi gailentzen zitzaiona, 15-39.
Lehen urteko taldeak 19-9 galdu zuen Arrasaten, baina ez zuen aukerarik izan. Bigarren urteko taldea Majorin erori zen, 12-19 Leizaranen aurka, talde urdinak bere prestazioak hobetu zituen partidan.
.jpg)
