ORDIZIA ESKUBALOIA
Ordizia Siglo XXren garaipena Elgoibarrera egindako bidaian, non Sanloren aurka jokatu zuen. Partida uste baino zailagoa izan zen, lehen zatian partida parekatua izan zen, baina markagailuko agintea etxeko taldeak izan zuen, atsedenaldira gol bateko abantailarekin iritsi zelarik, 19-18.
Bigarren zatia berdinduta hasi zen, baina 15. minuturako talde urdiña aurretik jarri zen, 23-24. Hortik aurrera ordiziarrek defentsa mailari eutsi zioten, baina euren erasoko prestazioak hobetu zituzten, 8 goleko abantaila lortuz, 28-36 izan zen azken markagailua.
Ordiziarrak ez zuen ondo jokatu, defentsa lanetan lehen denbora kaskarra egin baitzuen eta etxeko taldeak 19 gol lortu baitzituen. Bigarrenean, aldiz, 9 gol bakarrik jaso zituzten. Bigarren zatian ikusitakoa da partida osoan ikusi nahi duguna. Erasoan maila ona mantendu zen, 36 gol partidaren amaieran, eta horrek garaipen asko eman diezazkiguke.
Historia gutxiko partida aurreikusten zenez, emakumezko seniorrak Donostian Irauli taldearen aurka jokatutakoa. Partida hasi zenetik Donostiako jokalariek hartu zuten agintea jokoan eta markagailuan, 19-10 atsedenaldian eta 33-21 partida amaitzean.
Defentsan gure prestazioak hobetu behar ditugu zerbait positiboa lortu nahi badugu, nahiz eta aurkako taldea oso ona izan, ezin dugu jasotako 30 goletatik pasatu. Guri kosta egiten zaigu erasoan golak lortzea, eta 30 gol sartzen badizkigute, ia ezinezkoa da zerbait positiboa lortzea.
Gazteen mailan, gizonezkoen taldeak galdu egin zuen. Azkenean, partida 55 minutuz menderatu ondoren, 24-26 galdu zuen Majorin, Elgoibarren aurka. Taldearen bajek partida baldintzatu zuten, jokalari ordiziarrak nekatu egin ziren eta azken minutuetan elgoibartarren bultzadari ez zioten eutsi ahal izan. Emakumezkoen taldeak 27-23 gainditu zuen Mundarro, atsedenaldira 13-15 iritsi ondoren. Defentsa maila ona bigarren zatian, garaipena lortzeko ezinbestekoa izan zena.
Kadete mailan gizonezkoen taldeak garaipena lortu zuen, Tolosa mendean hartuta (17-35), atsedenaldira 13 goleko abantailarekin iritsi ondoren. Bigarren urteko emakumezkoak 22-15 irabazi zion Elgoibarri, atsedenaldira 2 goleko abantailarekin iritsiz. Lehen urteko emakumezkoak 15-27 galdu zuen Eibarren aurka, bigarren zatian taldea hondoratuta eta 8 goleko aldea jaso.
Enirio, bigarren urteko haur mailako neskaren garaipena Oñatin, 12-23 Aloña Mendiren aurka. Ordizia Eskubaloia, lehen urteko emakumezkoak, Leizaranen aurka galdu zuen argi eta garbi, 11-24 izan zen azken emaitza. Oiangu, hau ere lehen urtekoa, 20-7 galdu zuen Oñatin, Aloña Mendiren aurka.
.jpg)
