ORDIZIA ESKUBALOIA
Ordizia Siglo XX-k, 2024an Majorin egin zuen bere lehen agerpenean, garaipena lortu zuen. Partida erosoa izan zen hasieratik eta 36-24ko markagailuak argi uzten du talde ordiziarraren eta Zarautzen arteko aldea. Partida hasieratik ikusi zen ez zuela historia handirik izango, 15. minutuan 4 goleko aldea zegoen eta atsedenaldian lau golekoa, 16-12.
Bigarren zatian talde urdinak martxa bizkortu zuen eta 15. minutuan abantaila 10 golekoa zen, 28-18. Eta amaieran abantaila 12 golekoa izan zen. Taldearen lan ona erasoko alderdian, 36 gol marka ona da. Defentsako lanean ondo ibili zen taldea eta gol gutxi jaso ziren. Partida erosoa izan zen, hain ohikoak ez zirenei minutuak emateko balio izan zuena eta txapelketan su eta gar joan zitezen.
Garaipen honekin jokalari ordiziarrek hirugarren postua berreskuratu dute, bigarrenarekin berdinduta. Igoera ligarako tokia lortzeko lehia oso parekatua izango da, eta badirudi sei izango direla jokoan dauden hiru postuetako bat lortzeko taldeak. Taldea urdiña lerro onean dago eta espero dezagun plaza lortuko duenetako bat izatea.
Jubenil mailan gizonezkoen taldeak Lasalle Legazpiren bisita jasotzen zuen, garaipena zaila zen eta horrela suertatu zen, bigarren sailkatuaren aurka jokatzen zuen eta azken 27-34ak bi taldeen arteko aldea islatzen du. Emakumezkoen taldeak, partida ona jokatu gabe, 14-22 irabazi zion Arrasateri. Emaitza honekin talde urdiñak zortzigarren postua berretsi du Gipuzkoako Txapelketan.
Kadete mailan lehenengo urteko emakumezkoen taldeak bakarrik jokatzen zuen, Leizaranen bisita jasotzen zuen. Neurketa oso orekatua izan zen eta azkenean bisitariak nagusitu ziren, 20-21. Partidako azken jokaldia nabarmendu behar dugu, falta jaurtiketa, denbora agortuta, zutoinaren alboan jo eta kanporantz aldaratzen da berdinketaren gola izan zitekeenean.
Infantil mailan, Ordizia Enirio Errenteriara joan zen, eta bertan Beraungo pilotalekuan jokatu zen partida zero gradutik beherako tenperaturarekin. Taldeak partida ona jokatu zuen, baina ez zuen saririk izan. Azken markagailuak talde errenteriarraren aldeko 20-16koa adierazten zuen.
Ordizia Eskubaloiak, infantil mailako lehen urteko taldea, Tolosaren bisita jaso zuen eta partida oso parekatua aurreikusten zena horrela izan zen eta azkenean puntu banaketarekin bukatu zen, 15nako berdinketa izan zen azken emaitza. Ordizia Oiangu, lehen urtekoa hau ere, ezer gutxi egin ahal izan zuen Usurbilen eta 34-6koak argi uzten du bi taldeen arteko aldea.
.jpg)
