ORDIZIA ESKUBALOIA
Ordizia SIGLO XX-K 40-32 irabazi zuen Arrasateren aurka, Majorin, eta talde urdiñak igoera fasean bere parte-hartzea ixtea lortu zuen. Azkenean, igoera fasean sartzeko behar ziren puntuak lortu ziren, uste baino partida lasaiagoan.
Talde arrasatearraren aurkako partida markagailutik ondoriozta daitekeena baino zailagoa izan zen. Talde urdinak azkar lortu zuen 3 goleko abantaila markagailuan eta horrekin nolabaiteko lasaitasuna. Helburua partida irabaztea zen, eta defentsako lan on bati eta erasoan asmatzeari esker, partida ez zen arriskuan jarri. Atsedenaldira 5 goleko abantailarekin iritsi ziren (20-15), eta partidaren amaieran 8ra joan ziren.
Neurketari urduritasun apur batekin ekin zitzaion, Aste Santuko partiduetan ezin izan zen sailkapena itxi, Bergaran galdu egin zen eta Majorin Hondarribiaren aurka berdindu egin zen.
Emakumezko seniorrak 29-25 garaitu zuen Munttarpe, multzoko liderra, urdinen nagusitasun argia izan zen partidan. Atsedenaldira bi goleko abantailarekin iritsi zen talde ordiziarra, eta bigarrenean, pixkanaka, 4 goleko aldea lortu zuen. Talde urdiñak ez zuen inoiz garaipena arriskuan ikusi, erasoko eraginkortasuna erabakigarria izan zen neurketa batean.
Badirudi Iñigok eta Unaik zuzentzen duten taldeak bere jokoa aurkitu duela eta bigarren fase honetan ez du porrota ezagutu. Partidak nahiko eroso jokatzen ari dira. Defentsan egindako lan onari eta erasoan erakutsitako indarra esker, taldeak nahiko eroso lortu ditu garaipenak.
.jpg)
