ORDIZIA ESKUBALOIA
Joan den asteburuan gure taldeetako batzuek amaitutzat eman zuten lehiaketa ofiziala. Horietako bat Orioren aurka jokatu zuen emakumezko seniorra izan zen, ligako egungo txapelduna eta datorren denboraldian Euskal Ligan jokatuko duen taldearen aurka. Talde urdinaren aukera guztiak, hurrengo kanporaketara kopa pasatzeko, partida hau irabaztea ziren, eta hori oso zaila zen.
Talde ordiziarrak baja askokin ekin zion partidari, garaipena lortzea zailago egiten zuten bajekin. Lehen zatian taldea garaipenaren lehian zegoela zirudien, baina azkenean 6 goleko desabantailarekin iritsi zen atsedenaldira. Bigarren zatian talde bisitariaren ahalmena izan zen nagusi, markagailuko aldea handituz eta azkenean 16-30eko emaitzarekin partidua irabazi.
Gazteen mailan gizonezkoen taldea Zumarragara joan zen, non Urolarekin multzoko lehen postua zuten jokoan. Partida parekatua izan zen, atsedenaldian etxekoen aldeko 16-14ko emaitzarekin, eta partida amaieran 34-26ko markagailura iritsi zen. Hala eta guztiz ere, talde urdinak kopako finalerdiak jokatuko ditu.
Emakumezkoen bi talde gazteak Kopako txapelketatik at geratu ziren, bigarren urtekoak Aloña Mendiren aurka galdu zuten (34-28) eta ez zuten sailkapena lortu. Lehen urteko taldea Arrasateri 23-16 irabazi arren, average orokorragatik, lehiaketatik kanpo geratu zen.
Emakumezkoen kadete mailako taldea 21-29 nagusitu zen Arrasaten, hiribilduaren talde titularrari aurre eginez. Emaitza honekin talde urdinak lehiaketan jarraitzen du eta zerbait positiboa lortzeko aukerekin.
Haur mailan gizonezkoen taldeak Bergararen bisita jaso zuen eta 31-26 nagusitu zen. Garaipen honekin taldeak multzoko lehen postua ziurtatzen du, eta argi eta garbi kokatzen da kopa txapelketa irabazten saiatzeko. Emakumezkoen A Ligako taldeak 31-27 galdu zuen Errenterian, Ereintzaren aurka eta amaitutzat eman du txapelketa. B Ligako emakumezkoak Aloña Mendi gainditu zuen Oñatin, 19-30 eta Kopako finalerdiak jokatzeko sailkatu zen.
.jpg)
