ORDIZIA ESKUBALOIA
Ordizia Siglo XX ren porrota Bermeon jokatutako partidan, Urdaibairen aurka, 32-34 izan zen azken emaitza. Partida berdinduta hasi zen eta 15. minutura Ordiziako 1 goleko abantailarekin iritsi zen, 10-9, atsedenaldian gol bateko abantailarekin jarraitzen zuen, 17-16. Bigarren zatian parekotasunak jarraitu zuen, eta bi taldeetako batek ere ez zuen partida apurtzea lortu, partida amaieratik 30 segundora iritsi zen talde bermeotarrarentzat gol bateko abantailarekin, eta talde ordiziarra ezpainetan eztia zuela uztea lortu zuen.
Taldeak igoera ligako laugarren partida jokatu zuen eta hiru partidatan ezin zituen jokalari guztiak bildu, taldeko jokalari batzuen lesioengatik. Partidua jokatzera joan zirenek argi utzi zuten euren potentziala eta joko maila, nahiz eta partidua galdu uneoro garaipena lortzeko borrokan egon ziren, ez zuten lortu baina oso gertu egon ziren eta oso irudi positiboa utzi zen.
Lehiaketa osatzeko jardunaldi bat falta da eta dena erabakitzeke dago, hiru talde puntuekin berdinduta gaude eta 2 plaza ditugu jokoan igoera postuetako batek erabakitzen duen lauko finalerako. Egoerak ez gaitu baikor egiten, sailkapena kontrarioen emaitzen araberakoa da, baina taldeak joko maila du eta zentratuta edozer gauza lor dezake. Ezin gara lasaitu eta azkeneraino borrokatu behar dugu.
Senior emakumezkoen porrota Zumaiara egindako joan-etorrian, bertan 25-20 Pulporen aurka galdu zuelarik. Partida azken markagailuak adierazten duena baino parekatuagoa izan zen, atsedenaldira 2 goleko abantailarekin iritsi ziren etxekoak, 11-9. Partida ona jokatu zuen talde ordiziarrak, multzoko liderrari bisita eginez, garaipenaren lehian egon baitzen. Taldea bere jokoan finkatzen ari da, eta espero dezagun azken zati honetan emaitzek lagunduko diotela.
Gizonezko jubenilen porrota Errenterian, Ereintzaren aurka jokatutako partidan. 29-26 izan zen azken emaitza, atsedenaldian 4 goleko aldea adierazten baitzuen etxeko taldearentzat. Taldea joko-maila ona garatzen ari da, baina ez zaizkio emaitzak laguntzen ari, espero dezagun lehiaketatik geratzen diren partidatan joko-mailari emaitzak batzea eta taldeak denboraldi amaiera ona izatea.
.jpg)
