ORDIZIA ESKUBALOIA
Ordiziako taldeek balantze tristea egin dute txapelketako azken jardunaldian. Jokatutako hamar partidetatik, 2tan bakarrik, zerbait positiboa lortu da, eta bi kasuetan berdinketa. Emakumezkoen talde seniorrak Ereintzaren bisita jaso zuen errenteriarrek eta Ordiziako jokalariek ez zuten ezer jokoan. Partida oso orekatua izan zen eta atsedenaldira talde urdinaren aldeko 11-10eko emaitzarekin iritsi zen. Bukaeran markagailuak 23n berdinketa markatzen zuen. Taldeak azken jardunaldietako joko maila mantendu du, defentsan maila ona eta erasoan eraginkortasun gutxi, 23 golekin zaila da garaipena lortzea.
Gizonezkoen bigarren seniorra Eibarrera joan zen eta taldeko liderrari bisita egin zion. Partidak etxekoen garaipena lortu zuen, 30-25, lehen konpasetatik bideratuta egon zena, 14-9 atsedenaldian. Gizonezko jubenilak Pulporen bisita jaso zuen, eta partida on batean 23na berdindu zuen, partida oso parekatua izan zen eta atsedenaldian ez zegoen markagailuan alderik, 11nako berdinketarekin. Jubenil neskak Oñatira joan ziren eta bertan Aloña Mendiren aurka jokatu zuten. 25-20 nagusitu ziren oñatiarrak. Atsedenaldian Oñatiko taldearen aldeko 11-7 izan zen.
Kadete mailako balantzea txarra da, baina bigarren urteko emakumezkoen kadeteen eta lehen urteko emakumezkoen Kirkilen porrota estuak baino ez dira aipagarriak. Bigarren urteko kadeteak 25-28 galtzen zuen Majorin Ereintzaren aurka. Kirkil Leizaranen aurka 39-37 galtzen ari zen bitartean, porrot honek ez du taldearen Kopako jarduna zapuzten eta datorren asteburuan finala jokatuko dute. Oiangu, emakumezko kadeteak, uste baino emaitza hobea lortu zuen multzoko lider bezala zetorren Elgoibarren aurka, eta defentsan ondo ibili ondoren 11-20 galdu zuen. Gizonezkoen kadeteak 37-26 galtzen zuen bitartean Leizaranen aurka. Haur mailan jardunaldia ez zen hobea izan, gizonezkoek Oñatin galdu zuten, Aloñaren aurka 28-16 eta emakumezkoek Leizaranen aurka 14-2
.jpg)
